秒投账户 -- 古天后

摘要：传闻港交所(00388.hk) 向政府要求削减，甚至取消股票印花税，而且只向卖方收，变相买家不用给印花税，这个消息当然利好港股。至于印花税减免对证券当然也是正面消息，但实际作用有多大，古天后又认为不要想太多。

　　10月16日，10月中仍然打风，依家天气愈嚟愈古怪，噚日嘅台风天气延续到今日，依然有风有雨，亦令气温下降，大家夜晚要添多件衫。虽然上星期港股上上落落，最终变化不大，恒指一周仅升17点；国指则升19点。10月刚刚过咗半个月，国指表现明显跑赢恒指，呢两个星期累计升5.6%，叻过升咗3.3%嘅恒指。

　　过两日系中国大会议召开大日子，睇嚟阿爷有心维稳，尤其中资金融股踏入10月表现特别醒神，预期呢个星期港股或有可能更上一层楼。睇番上星期五晚港股随住美股再创新高而偷步，无论夜期或ADR，恒指都已重上28600点水平，睇样升势有机会延续，呢个星期恒指有望挑战二万九水平。

　　缸湖传闻港交所(00388) 股价及相关新闻 向政府要求削减，甚至取消股票印花税，目标系至少跟A股睇齐，只收取单边印花税，仲要系只向卖方收，变相益买家唔使畀印花税，呢个消息当然利好港股。一旦印花税完全除消，或有可能鼓厉高频交易，皆因搞开高频交易，或程序交易嘅外资行，本身冇佣金成本，一旦连印花税都悭番，买卖几乎零成本，algo trading喺港股或发挥作用。届时港股成交日日过千亿，甚至倍增至2000亿亦属等闲事，呢个消息当然最利好系港交所。

　　至于印花税减免对证券当然亦系正面消息，但实际作用有几大，古天后又认为唔好谂太多。皆因目前入场炒作嘅北水，佢哋唔系做高频交易，手续费并唔系佢哋考虑条件，反而系搵啱目标暴力炒上，有冇啱胃口嘅炒作对象，先系吸引北水入场嘅主因。所以券商股即使短线炒高，缸边友期指亦唔好太大。

　　大市唔觉唔觉逼近二万九，上半年一潭死水嘅股仔，近日亦开始热闹，相继落镬。虽然古天后本身唔多啱玩股仔，但发现到好嘢，当然要同大家分享。亚洲联合基建(00711) 股价及相关新闻 上周五大成交破位，逼近今年高位，牛气十足。缸湖传闻集团好事近，究竟系乜冬冬，先回带睇番2014年。大股东彭氏家族将公司卖盘予央企中国城建，成功泊到大码头，满以为可以功成身退，岂料中国城建竟然爆出财困消息，最后要由彭氏家族收拾残局，于2016年底以每股1.08元透过全购，重夺控制权，最新持股超过七成。

　　若然亚洲联合基建又有好消息，好大机会系搵到新买家。事实上，亚洲联合基建已由传统建筑股，升呢成为一带一路概念股，再获内企睇中合情合理，如果今之搵到央企好人家，更加可喜可贺。虽然累积升幅已多，但集团底子雄厚，每股NAV达1.37元，兼有3厘股息垫底，股价回试前浪顶1.14元，值得小注捞一捞博有好消息跟尾，止蚀位摆番喺1元，以小博大有得谂。