【达人专栏】古天后

　　10月3日，一雨成秋，周末落咗几场大骤雨，温度又好似系降咗啲，不过今日天晴，气温又回升，10月仍录得30度嘅气温，香港高温时间愈嚟愈长。

　　踏入10月，缸边友最关心嘅系传统股灾月会唔会又撞正7字尾嘅年份出现。古天后都可以几肯定今个月股灾唔会出现，甚至系短期亦未见股灾迹象。虽然恒指喺九月终止之前八连升，而恒指上周五报收27554点，上星期一口气失10日(27796) 股价及相关新闻 、20日(22782) 股价及相关新闻 及50日线27575)，但上周五恒指再穿27400点后再反弹，重返27500点水平，加上欧美股市做好，港股ADR更重上27700水平，恒指喺新加坡黑期嘅HS50指数，更重上27750点。睇嚟港股又再一次成功考验50日线后回升，一如之前古天后所讲，只要恒指重上27700点即可脱险，能进一步回升至27900水平，将再重现升浪。即管睇睇港股呢个星期喺三个交易日内，能否扭转乾坤，重新出发。

　　上周古天后系讲过，10月要调整又N个借口，但调整可以横行代替，暂时未见有任何因素令股灾出现，所以一直强调，长假前较为保守系买个保险，但从未建议清仓离场。只要港股重拾动力，又可以重新入场，况且热炒嘅内房股跟个别科技股，又确系高位有回吐压力，先减仓套利，做法恰当不过。

　　短线未见大跌诱因，反而好友又有理由反攻，皆因长周末期间，阿爷发功，除咗公布优于预期嘅PMI数据，人行更事先张扬明年1月全面降准，今次降准安排变相鼓励支持商业银行贷款予中小型企业，藉此推动经济加速发展，放水意图相当明显。其实黄金周假期前，北水一直默默增持内银股，又系春江鸭早知水暖。既然内银股受惠人行降准，内银股呢个板块肯定又再落镬。当中古天后一直最睇好建行(00939) 股价及相关新闻 ，不过近日北水近期买最多系工行(01398) 股价及相关新闻 ，跟红顶白北水更要跟到实，即系短线工行要睇高一线。至于商业银行，当然系招行(03968) 股价及相关新闻 表现最好，交行(03288) 股价及相关新闻 始终差一皮。

　　除咗内银股，今日焦点当然系大笨象(00005) 股价及相关新闻 派季度成绩表，估计今次份成绩表唔会太特别，反而大家关心嘅系杜嘉褀今个月正式就任，将会搵边个接任明年退休嘅CEO欧智华。当然投资者对新任CEO有一定期望。缸湖传闻杜嘉褀最近陆续跟大笨象主要股东见面，表示银行增长较预期行得快，上半年原定嘅股东权益回报率ROE达8.8%，今年全年应可超标达8.8%以上，若然有10%达双位数，大笨象呢铺亦可变小飞象。

　　既然大笨象同内银股呢啲指数权重股有运行，10月港股唔单止唔会股灾，分分钟有机会创年内新高，只要恒指重上27900之上企稳，大有条件再挑战28500点。只系见完高位又回吐，10月甚有机会系极度波动嘅月份，大家记得绑好安全带。